31 مارچ ، 2015 
قصور:کوٹ رادھا کشن میں میاں بیوی ہلاک،بیٹی شدیدزخمی
31 مارچ ، 2015
قصور......قصورکےقصبےکوٹ رادھا کشن میں میاں بیوی کوہلاک اور ان کی بیٹی کو شدیدزخمی کردیاگیا ہے،خدشہ ہے کہ شوہر نے بیوی کو قتل اور بیٹی کو زخمی کرکےخودکشی کی ہے۔زخمی لڑکی کو لاہور کےاسپتال میں منتقل کر دیا گیا۔پولیس کے مطابق کوٹ رادھا کشن کے گاؤں روسا کےایک گھر میں خاتون زرینہ کی لاش گھر کےصحن میں پڑی ملی،جس کی گردن پرگہرا زخم تھا،قریب ہی ایک درخت سےلٹکتی زرینہ کےشوہر لیاقت کی لاش ملی جبکہ کمرے میں ان کی 14سالہ بیٹی شدید زخمی حالت میں پڑی تھی،جس کے سر پرگہرا زخم آیاہے،لڑکی کولاہورکےاسپتال منتقل کر دیا گیاہے۔ہمسائیوں کےمطابق مقتول لیاقت مقامی فیکٹری میں کام کرتا تھااور میاں بیوی کےدرمیان ناچاقی رہتی تھی،خدشہ ہےکہ لیاقت نےبیوی کو قتل اور بیٹی کو زخمی کرکےخودکشی کی ہے۔پولیس نے لاشیں پوسٹمارٹم کیلئےبھجوا کرمختلف پہلوؤں پر تفتیش شروع کر دی ہے۔
مزید خبریں :
ایران اور عراق میں ہزاروں پاکستانی پھنس گئے
15 جون ، 2025
کراچی میں بارش کب ہوگی؟ محکمہ موسمیات نے پیشگوئی کردی
15 جون ، 2025
