08 مئی ، 2012 
آئی پی ایل 5 : کولکتا نائٹ رائیڈرز نے دلی ڈیئر ڈیولز کو 6 وکٹ سے ہرادیا
08 مئی ، 2012
دہلی … آئی پی ایل 5 کے میچ میں کولکتہ نائٹ رائیڈرز نے دلی ڈیئر ڈیولز کو 6 وکٹ سے ہرادیا، میک کولم 56 رنز بنا کر نمایاں بیٹسمین رہے۔ فیروز شاہ کوٹلہ اسٹیڈیم نئی دہلی میں کھیلے گئے میچ میں دلی ڈیئر ڈیولز نے پہلے بیٹنگ کرتے ہوئے مقررہ 20 اوورز میں 9 وکٹوں پر 153 رنز بنائے۔ عرفان پٹھان نے 36، مہیلا جے وردھنے 30 اور کپتان وریندر سہواگ نے 23 اور ڈیوڈ وارنر نے 21 رنز بنائے۔ کولکتہ کی جانب سے جیک کیلس اور سنیل نارائن نے 2، 2 وکٹیں لیں۔ جواب میں کولکتہ نے مطلوبہ ہدف 18.4 اوورز میں 4 وکٹوں کے نقصان پر حاصل کرلیا۔ میک کولم 56کے علاوہ گوتم گمبھیر نے 36 اور جیک کیلس نے 30 رنز بنائے۔ دلی ڈیئر ڈیولز کی جانب سے اومیش یادیو نے 2 وکٹیں لیں۔ جیک کیلس کو آل راوٴنڈ پرفارمنس پر مین آف دی میچ ایوارڈ دیا گیا۔
مزید خبریں :
ویرات کوہلی نے سنچریوں کی سنچری بناکر اہم سنگ میل عبور کر لیا
24 نومبر ، 2024
