25 اپریل ، 2015 
بالی ووڈ فلم ’دل دھڑکنے دو‘ کے ٹائٹل گانے کی ویڈیو ریلیز
25 اپریل ، 2015
ممبئی ........پریانکا چوپڑا، انیل کپور، رنویر سنگھ، فرحان اختر اور انوشکا شرما کی نئی بالی ووڈ کامیڈی فلم ’دل دھڑکنے دو‘ کے پہلے ٹائٹل گانے کی ویڈیو ریلیز کر دی گئی ہے۔ بالی ووڈ کی سپر ہٹ فلم ’زندگی نہ ملے گی دوبارہ‘ کی ہدایت کارہ زویا اختر کی نئی کامیڈی فلم ’دل دھڑکنے دوؔ‘ کے ٹائٹل سونگ کی ویڈیو ریلیز کر دی گئی ہے۔ ’دل دھڑکنے دو‘ کے بولوں پر مبنی اس گانے کو فلم کے ہیرو ہیروئن پریانکا چوپڑا اور فرحان اختر ہی کی آوازوں میں ریکارڈ کیا گیا ہے، جو ایکٹنگ کے ساتھ ساتھ گلوکاری کے میدان میں بھی اپنے آپ کو منوا چکے ہیں۔ میگا کاسٹ پر مشتمل اس فلم کی کہانی ایک انڈین پنجابی فیملی کے گرد گھوم رہی ہے، جو کروز شپ میں سوار ہو کر ایک سمندری سفر پر روانہ ہیں۔ فلم میں مرکزی کردار اداکار انیل کپور، رنویر سنگھ، فرحان اختر، پریانکا چوپڑا، انوشکا شرما اور شیفالی شاہ ادا کر رہے ہیں، جسے اس سال 5جون کو دنیا بھر میں نمائش کے لیے پیش کر دیا جائے گا۔
مزید خبریں :
کیا اداکارہ نیلم منیر رشتہ ازدواج میں منسلک ہونے والی ہیں؟
29 نومبر ، 2024
جنید جمشید کے بیٹے نے والد کی شادیوں کی حقیقت سے پردہ اٹھادیا
29 نومبر ، 2024
