14 مئی ، 2015 
زمبابوے کرکٹ ٹیم کا دورۂ پاکستان منسوخ
14 مئی ، 2015
لاہور........زمبابوے کی کرکٹ ٹیم نے دورۂ پاکستان منسوخ کردیا۔ ذرائع کے مطابق زمبابوے کی ٹیم کو 19 مئی کو لاہورپہنچنا تھا۔زمبابوے کو دورہ پاکستان کے دوران 2 ٹی ٹوئنٹی اور 3 ون ڈے میچز کھیلنے تھے۔ذرائع کے مطابق سانحہ صفورا کے بعد زمبابوے کرکٹ ٹیم نے دورۂ پاکستان سے متعلق اپنی حکومت سے رائے طلب کی جس کی روشنی میں پاکستان کا دورہ سیکیورٹی وجوہات کی بنا پر منسوخ کرنے کا فیصلہ کیا ہے۔اس سے قبل چیئرمین پی سی بی شہریار خان اس حوالے سےکچھ زیادہ پر اعتماد نہیں تھے۔ انہوں نے تسلیم کیا کہ اس قسم کے سانحے کے بعد پریشانی فطری عمل ہے۔شہریار خان کا کہنا تھا کہ انہوں نے زمبابوے سےکہا کہ وہ جلد بتا دیں، اگر عین وقت پر دورہ منسوخ ہوا تو دونوں ممالک کے باہمی تعلقات پر منفی اثر پڑے گا۔ بالآخر زمبابوے نے دورۂ پاکستان منسوخ کردیا جس کی وجہ سے غیرملکی کرکٹ ٹیموں کی پاکستان میں دوبارہ آمد کا سلسلہ دوبارہ موقوف ہوگیا۔
مزید خبریں :
اسپیشل اولمپکس ورلڈ ونٹرگیمز میں پاکستان نے 4 میڈلز جیت لیے
13 مارچ ، 2025
پی ایس ایل میں مزید 2 ٹیمیں شامل کرنےکا فیصلہ
13 مارچ ، 2025
سابق آسٹریلوی ٹیسٹ کرکٹر منشیات کیس میں قصور وار قرار
13 مارچ ، 2025
