جے پور …انڈین پریمیئر لیگ میں جمعرات کو دو میچز کھیلے گئے جس میں دہلی ڈیئرڈیولز نے دکن چارجرز کو جبکہ چنئی سپر کنگز نے راجستھان رائلز کو شکست سے دوچار کردیا۔جے پور کے سوائی مان سنگھ اسٹیڈیم میں ہونے والے دوسرے میچ میں چنئی کے کپتان دھونی نے ٹاس جیت کر پہلے راجستھا ن کو بیٹنگ کی دعوت دی جس پر راجستھان کی ٹیم نے مقررہ بیس اوورز میں چھ وکٹوں پر 126رنز بنائے ۔جس میں ہوج 33اوربینی 27قابل ذکر بیٹسمین تھے۔چنئی کی جانب سے ہیلفن ہاس اور مہیش نے دو دو وکٹیں لیں۔جواب میں چنئی نے مطلوبہ ہدف 18.1اوورز میں چھ وکٹیں کھوکر حاصل کرلیا جس میں سریش رائنا23،مورنی مورکل 18اور انی رودا18قابل ذکر بیٹسمین تھے۔راجستھان کی جانب سے پنکج سنگھ اور تریویدی نے دو دو وکٹیں لیں۔علاوہ ازیں حیدرآباد میں ہونے والے پہلے میچ میں دہلی ڈیئر ڈیولز نے دکن چارجرز کو نو وکٹوں سے ہرادیا۔دکن کے کپتان کمار سنگا کارا نے ٹاس جیت کر پہلے بیٹنگ کا فیصلہ کیا اور انکی ٹیم نے مقررہ بیس اوورز میں چار وکٹوں پر 187رنز بنائے۔جس میں دھاون84اور کیمرون وائٹ 65قابل ذکر بلے باز تھے۔جو اب میں دہلی کی ٹیم نے مطلوبہ ہدف 16.4اوورز میں ایک وکٹ کھوکر حاصل کرلیا،جس میں وارنر 109اور اوجھا 64نمایاں بیٹسمین تھے۔واضح رہے کہ یہ دونوں میچز جیوسوپر براہ راست دکھائے گئے۔