09 جون ، 2015 
بجٹ روایتی ہے، عام آدمی کو ریلیف نہ ملنے پر تحفظات ہیں ،یوسف گیلانی
09 جون ، 2015
ملتان......سابق وزیر اعظم یوسف رضا گیلانی نے کہا ہے کہ موجودہ بجٹ روایتی ہے جس میں عام آدمی کو ریلیف نہ ملنے پر تحفظات ہیں ، برما میں قتل عام کے باوجود او آئی سی کی خاموشی بھی افسوسناک ہے۔امریکی سفیر رچرڈ اولسن کے ہمراہ سابق وزیر اعظم یو سف رضا گیلانی نے دربار موسی پاک پر حاضری دی جس کے بعد میڈیا سے گفتگو کرتے ہوئے یوسف رضا گیلانی نے کہا کہ دہشتگردی کی جنگ میں پاکستان کی قربانیاں انتہائی اہم ہیں جس کا پوری دنیا کو فائدہ ہو رہا ہے اور ایسے میں کیری لوگر بل کے تحت امداد روکنا درست نہیں ۔ یوسف رضا گیلانی نے کہا کہ پاک چین دوستی پارٹیز کی بنیاد پر نہیں بلکہ ملکی ہے ، اسی لیے گوادر سے ملکی معیشت مزید مضبوط ہوگی ۔ اس موقع پر یوسف رضا گیلانی نے حکومت سے سحر و افطار میں لوڈشیڈنگ نہ کرنے کا بھی مطالبہ کیا۔
مزید خبریں :
دھند کے باعث اسلام آباد سے لاہور تک موٹروے بند
29 دسمبر ، 2024
کرم میں راستوں کی بندش کے خلاف کراچی میں 12 مقامات پر دھرنے جاری
29 دسمبر ، 2024
پاکستان کے بحرانوں کی وجہ ریموٹ کنٹرول جمہوریت ہے: سعد رفیق
28 دسمبر ، 2024
