دنیا
14 جون ، 2015
14 جون ، 2015 
آذر بائی جان کا صحافی سوئٹزر لینڈ پہنچنے میں کامیاب
14 جون ، 2015
جنیوا..........سوئٹزر لینڈ کی حکومت آذر بائیجان کے حکومت مخالف صحافی کو بالآخر اُس کے ملک سے نکالنے میں کامیاب ہوگئی ہے ۔ صحافی اور انسانی حقوق کے کارکن امین حُسینوف نے دس ماہ سے باکو میں واقع سوئس سفارت خانے میں پناہ لے رکھی تھی ۔ سوئس حکومت نے آذر بائی جانی حکام کے ساتھ کئی ماہ تک مذاکرات کیے جس کے بعد آذر بائی جانی حکومت اُسے ملک سے جانے کی اجازت دینے پر تیار ہوگئی ۔ سوئس وزیر خارجہ یورپین گیمز کی افتتاحی تقریب میں شرکت کے لیے باکو آئے اور اگلے روز وطن واپسی پر صحافی کو اپنے طیارے میں ساتھ لے گئے ۔ 35 سالہ امین حُسینوف نے سوئٹزر لینڈ پہنچنے کے بعد میڈیا سے بات کرنے سے انکار کردیا ہے۔
