19 جون ، 2015 
گال ٹیسٹ:سری لنکا300رنزپرآئوٹ
19 جون ، 2015
گال......گال ٹیسٹ کے تیسرے روزسری لنکن ٹیم اپنی پہلی اننگز میں300رنز بناکر آئوٹ ہوگئی۔کشال سلوا نے 125رنز کی شاندار اننگز کھیلی۔گال انٹرنیشنل اسٹیڈیم پر کھیلے جارہے ٹیسٹ میں سری لنکا نے 178رنز تین کھلاڑی آئوٹ پر اپنی نامکمل اننگز کا آغاز کیا،پاکستان کو جلد ہی کامیابی ملی اور میتھیوز19رنز بناکر وہاب ریاض کی گیند پر کلین بولڈ ہوگئے۔پانچویں وکٹ چندیمل کی گری،انہوں نے 23رنزبناکر پویلین کی راہ لی، وتھاناگے18رنز بناسکے۔ دوسری طرف کشال نے ذمہ دارانہ بیٹنگ کرتے ہوئےسنچری مکمل کی، ٹیسٹ کرکٹ میں ان کی دوسری سنچری ہے۔کھانے کے وقفے کے کھیل کے دوسرے سیشن میںسری لنکا کی ٹیم 4وکٹیں گنواکرمجموعی اسکور میں صرف 27رنز کا اضافہ کرسکی۔پریرا15،پرساد صفر، پردیپ 4رنز بناسکے۔ کشال سلوا125رنز کی شاندار اننگز کھیل کر آئوٹ ہوئے۔وہاب ریاض اور ذوالفقار بابر نے3،3جبکہ محمد حفیظ اور یاسر شاہ نے دو، دو وکٹیں حاصل کیں۔
مزید خبریں :
پاکستان ویمن کرکٹر سدرا امین رشتہ ازدواج میں منسلک
3 گھنٹے پہلے
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
