02 ستمبر ، 2015 
آصف زرداری کی بریت کی درخواست پر سماعت
02 ستمبر ، 2015
اسلام آباد.......اسلام آباد کی احتساب عدالت میں کوٹیکنا اورایس جی ایس ریفرنس میں آصف زرداری کی بریت کی درخواستوں پرسماعت ہوئی ۔عدالت نے کیس کے گواہ سابق ڈپٹی چیئرمین احتساب بیورو حسن وسیم افضل کو آئندہ سماعت پرطلب کر لیا۔آصف زرداری کے وکیل فاروق ایچ نائیک نے اپنے دلائل میں کہا کہ دونوں ریفرنسز کا اصل ریکارڈ ہی موجود نہیں ،نیب کے پاس آصف زرداری کیخلاف کوئی ٹھوس شواہد نہیں،بے نظیر بھٹو کو ان کیسز میں نوٹسز جاری ہوئے، وہ شہید ہو چکی ہیں جبکہ آصف زرداری کو تو نوٹس ہی جاری نہیں ہوا۔تفتیشی افسر کا بھی یہی کہنا ہے کہ اس نے کبھی اصل ریکارڈ نہیں دیکھا ۔ عدالت نے کیس کے اہم گواہ سابق ڈپٹی چیئرمین احتساب بیورو کو آئندہ سماعت پر طلب کرتے ہوئے سماعت 9 ستمبر تک ملتوی کردی۔
مزید خبریں :
ایران اور عراق میں ہزاروں پاکستانی پھنس گئے
34 منٹ پہلے
گوادر میں زلزلےکے جھٹکے، شدت 4.9 ریکارڈ
14 جون ، 2025
رواں سال حج کے دوران کتنے پاکستانی وفات پاگئے؟
14 جون ، 2025
