21 نومبر ، 2015 
مخدوم امین فہیم آبائی شہر ہالا میں سپرد خاک
21 نومبر ، 2015
ہالا.......پاکستان پیپلزپارٹی کے سینئر رہنما مخدوم امین فہیم کو ان کے آبائی شہر ہالا میں سپرد خاک کر دیا گیا۔ امین فہیم طویل علالت کے بعد کراچی میں انتقال کر گئے تھے، وہ خون کے کینسر کے مرض میں مبتلا تھے۔
امین فہیم کی میت ان کے آبائی شہر ہالا میں لے جائی گئی، جہاں نماز جنازہ کے بعد انہیں سپرد خاک کر دیا گیا۔ نماز جنازہ میں بلاول بھٹو، وزیر اعلیٰ سندھ قائم علی شاہ سمیت پیپلزپارٹی کی اعلیٰ قیادت نے شرکت کی۔
امین فہیم روحانی سلسلے سروری جماعت کے سربراہ بھی تھے۔مرحوم کا شمار پیپلزپارٹی کے بانی رہنماؤں میں ہوتا تھا۔ امین فہیم کے انتقال کے سوگ میں مٹیاری ضلع میں عام تعطیل ہے۔
پیپلز پارٹی کے سینئر رہ نما مخدوم امین فہیم کی تدفین درگاہ غوث الحق سروری میں کردی گئی۔
