24 نومبر ، 2015 
50 ارب کے گلگت اسکردو ایکسپریس وے پر جلد کام شروع ہوگا،نوازشریف
24 نومبر ، 2015
گلگت.........وزیراعظم نواز شریف نے کہاہے کہ شمالی علاقوں پر کراچی ، لاہور اور پشاور سے زیادہ پیسہ خرچ کررہےہیں ۔پچاس ارب کے گلگت اسکردو ایکسپریس وے منصوبے پر جلد کام شرو ع ہوگا۔
گورنر گلگت بلتستان کی تقریب حلف برداری کے بعد خطاب میں وزیراعظم نے کہا کہ ماضی میں اس خطہ پر توجہ نہیں دی گئی ۔ موجودہ حکومت بھاری سرمایہ خرچ کررہی ہے جس سے اس علاقے میں خوشحالی آئے گی ۔
وزیراعظم نے کہا کہ پچاس ارب مالیت کا گلگت اسکردو ایکسپریس وے منصوبہ جلد شروع کریں گے ، بھاشا ، داسو اور بنجی ڈیم پر کام ہورہاہے جن سے دس ہزا میگاواٹ سے زائد بجلی پیدا ہوگی ،بڑے طیاروں کےقابل ایرپورٹ تعمیر کریں گے ۔
وزیراعظم نے خطہ کے عوام کی تمناؤں کے مطابق انہیں آئین کے تحت لانے کی بھی خواہش کا اظہار کیا اور کہا کہ اس خطہ میں اصلاحات کےلیے کمیٹی بنادی گئی ہے، ان کا کہنا تھاکہ دہشت گردی کےخلاف جنگ میں کامیابی سے اس علاقے میں سیاحت کو فروغ ملے گا۔
