01 جون ، 2012
پشاور… پشاور میں نماز جمعہ کے موقع پر سیکیورٹی ہائی الرٹ کر دی گئی ہے۔ پولیس حکام کے مطابق اندرون شہر اور کینٹ کی تمام حساس مساجد میں واک تھرو گیٹس نصب کئے گئے ہیں اور پولیس اہلکارتعینات ہیں۔ شہر کے داخلی و خارجی راستوں پر قائم چیک پوسٹوں پر بھی پولیس کی نفری بڑھادی گئی ہے۔ صدر بازار کو جانے والے تمام راستے بھی سیکیورٹی خدشات کی بناء پر سیل کردیئے گئے ہیں۔ اور صرف پیدال جانے والوں کو ہی صدربازار جانے کی اجازت دی جارہی ہے۔