02 جون ، 2012 
سینٹرل کنٹریکٹ:آسٹریلوی کرکٹرز اور بورڈ میں اختلافات شدید
02 جون ، 2012
کینبرا … پاکستان اور سری لنکا کے بعد اب آسٹریلیا میں بھی سینٹرل کنٹریکٹ کے معاملے پر کرکٹرز اور بورڈ کے درمیان اختلافات پیدا ہوگئے ہیں، معاملہ حل نہ ہونے کی صورت میں آسٹریلین کرکٹرز انگلینڈ کیخلاف سیریز اور ورلڈ ٹی 20 کا بائیکاٹ کرسکتے ہیں۔ آسٹریلوی اخبار کی رپورٹ کے مطابق نئے سینٹرل کنٹریکٹ میں کرکٹ آسٹریلیا نے کھلاڑیوں کے معاوضوں کو کارکردگی سے مشروط کردیا ہے، اس کے علاوہ مختلف لیگ میں شرکت کے معاملے پر بھی سخت قوانین بنائے گئے ہیں جس پر کھلاڑیوں کو تحفظات ہیں۔ آسٹریلین کرکٹرز ایسوسی ایشن کے سربراہ پال مارش نے تصدیق کی ہے کہ اس معاملہ پر ان کی کرکٹ بورڈ سے بات چیت جاری ہے، لیکن یکم جولائی تک معاملہ حل نہیں ہوا تو کھلاڑی انتہائی قدم اٹھانے پر مجبور ہوسکتے ہیں۔ آسٹریلوی اخبار کا دعویٰ ہے کہ کرکٹرز انگلینڈ کیخلاف ون ڈے سیریز یا ورلڈ ٹی 20 کا بائیکاٹ کرسکتے ہیں۔
مزید خبریں :
کراچی میں شیڈول نیشنل گیمز ایک بار پھر ملتوی کر دیے گئے
18 اپریل ، 2025
کراچی کنگز کے مالک نے بابراعظم کی ٹیم سے علیحدگی کی وجہ بتا دی
17 اپریل ، 2025
پاکستان ویمنز نے تھائی لینڈکو ہرا کر ورلڈکپ کیلئےکوالیفائی کرلیا
17 اپریل ، 2025
امپائرز سے بدتمیزی پر حماد اعظم پر بڑا جرمانہ عائد
17 اپریل ، 2025
