27 جون ، 2016 
لاہور: بیمار نوجوان نے اسپتال کی دوسری منزل سے کود کر خود کشی کرلی
27 جون ، 2016
لاہورکے شیخ زید اسپتال میں بیماری سے تنگ ایک نوجوان نے اسپتال کی دوسری منزل سے کود کر خود کشی کرلی۔ چارسدہ کا رہائشی عثمان جگر کے علاج کےلیے لاہور کے شیخ اسپتال میں زیر علاج تھا۔
اسپتال ذرائع کے مطابق پیر کی صبح عثمان نے ڈرپ اتاری اور اسپتال کی دوسری منزل سے کود گیا جس سے وہ موقع پر ہی دم توڑ گیا۔
28 سالہ عثمان کے بھائی شاداب کا کہنا تھا کہ انہوں نے جگر ٹرانسپلانٹ کےلیے 40 لاکھ روپے جمع کرادیے تھے لیکن اچانک ڈاکٹروں نے کہا کہ مریض کی حالت خراب ہے وہ علاج نہیں کرسکتے جس پر اس کا بھائی دلبرداشتہ ہوگیا اور اس نے اسی وجہ سے اپنی زندگی کا خاتمہ کیا ۔
دوسری جانب اسپتال کے ڈی ایم ایس کا کہنا ہے کہ عثمان کا علاج معمول کے مطابق جاری تھا اوراس نے نامعلوم وجہ کی بنا پر خود کشی کی ہے۔
مزید خبریں :
پاکستانی وفد کا دورہ یورپ، حاصل کیا ہوا؟
2 گھنٹے پہلے
بلوچستان کے سمندر میں 35 فٹ لمبی بلیو وہیل مردہ پائی گئی
10 گھنٹے پہلے
