02 اگست ، 2016 
مسلسل بیٹھنا، سرطان اور عارضہ قلب کا سبب بن سکتا ہے
02 اگست ، 2016
آفس یا گھر میں مسلسل بیٹھے رہنے سے سرطان اور دل کی بیماریوں کا سبب بن سکتا ہے۔
جدید تحقیق کے مطابق دفاتر یا گھرمیں کئی گھنٹے بیٹھ کر کام کرنے والے افراد کو سرطان اور دل کی بیماریوں سے بچنے کے لیے روزانہ کم از کم ایک گھنٹہ تیز قدموں سے چہل قدمی کرنی چاہیے۔
رپورٹ کے مطابق سائنسدانوں نے دس لاکھ افراد کے ساتھ کیے گئے ایک سروے سے اس بات کا اندازہ لگایا ہے کہ وہ افراد جو روزانہ کم از کم آٹھ گھنٹے بیٹھے رہتے ہیں انہیں مسلسل بیٹھنے کے نقصانات سے بچنے کے لیے 60 سے 75 منٹ ورزش کرنا چاہیے۔
ماہرین صحت کی رائے میں ورزش نہ کرنا اور مسلسل بیٹھے رہنا موٹاپے اور سگریٹ نوشی جتنا ہی نقصان دہ ہے۔
اس رپورٹ کے مطابق کئی گھنٹے بیٹھے رہنے کے علاوہ اگر پانچ گھنٹوں سے زائد ٹی وی دیکھا جائے تو صحت کو سنگین خطرات لاحق ہو سکتے ہیں جو ایک گھنٹہ چہل قدمی سے بھی کم نہیں کیے جا سکتے۔
مزید خبریں :
وٹامن ڈی کے استعمال کا ایک اور بہترین فائدہ دریافت
25 مئی ، 2025
ڈپریشن سے جسم پر مرتب ہونے والے بڑے منفی اثر کا انکشاف
25 مئی ، 2025
