25 جون ، 2012 
ق لیگ کے 15 وفاقی وزراء اور وزرائے مملکت نے حلف اٹھالیا
25 جون ، 2012
اسلام آباد… مسلم لیگ ق سے تعلق رکھنے والے15وزراء اور وزرائے مملکت نے حلف اٹھا لیا ہے،تقریب ایوان صدر اسلام آباد میں ہو ئی جہاں صدر آصف علی زرداری نے ان سے حلف لیا ۔حلف کی تقریب میں وزیر اعظم راجہ پر ویز اشرف بھی موجود تھے۔ حلف اٹھانے والوں میں چوہدری وجاہت حسین، شیخ وقاص اکرم، غوث بخش مہر، سرداربہادر خان میہڑ، شاہجہاں یوسف، خواجہ شیراز، اکرم مسیح گل، طالب نکئی، آصف توصیف، انور حسین چیمہ اور جام محمد یوسف شامل ہیں۔ نعمان لنگڑیال، سعید خان مندوخیل اور لیاقت عباس بھٹی بھی حلف اٹھا کر کابینہ کا حصہ بن گئے ہیں۔ وفاقی کابینہ میں شامل کئے گئے مسلم لیگ ق کے ارکان میں 8 وفاقی وزیر اور 7 وزرائے مملکت شامل ہیں۔ 15 نئے وزراء اور وزرائے مملکت کی شمولیت کے بعد وفاقی کابینہ کے ارکان کی تعداد 53 ہوگئی ہے۔
مزید خبریں :
سندھ حکومت کا سول کورٹ رولز میں ترمیم کا فیصلہ
26 منٹ پہلے
بیلاروس کے صدر 3 روزہ دورے پر اسلام آباد پہنچ گئے
5 گھنٹے پہلے
