18 فروری ، 2017 
مجلس وحدت مسلمین کے تحت آل پارٹیز کانفرنس
18 فروری ، 2017
مجلس وحدت مسلمین کے تحت آل پارٹیز کانفرنس منعقد ہوئی جس کے شرکاء نے نیشنل ایکشن پلان پر پوری طرح عمل کرنے اور فوجی عدالتیں بحال کرنے کا مطالبہ کیا ہے۔
کراچی میں ہونے والی کانفرنس میں پیپلز پارٹی، تحریک انصاف، جے یو پی، پاکستان عوامی تحریک، سنی تحریک اور دیگر جماعتوں کے نمائندوں نے شرکت کی۔
آل پارٹیز کانفرنس میں متفقہ قرار دادیں بھی منظور کی گئیں جن میں کہا گیا ہے کہ جنوبی پنجاب اور دیگر علاقوں میں دہشت گردوں کے ٹھکانوں اور ان کے سہولت کاروں کے خلاف بھرپور کارروائی کی جائے، فوجی عدالتوں کو بحال اور ان سے دی جانے والی سزائے موت پر عمل کیا جائے۔
قرارداد میں مزید کہا گیا کہ پوری قوم دہشت گردی کے خلاف جنگ میں فوج کے شانہ بشانہ ہے ،نیشنل ایکشن پلان پر اس کی روح کے مطابق عمل کیا جائے۔
کانفرنس سے ایم ڈبلیو ایم کے علی حسین نقوی، مرزا یوسف، تحریک انصاف کے فردوس شمیم نقوی، پیپلز پارٹی کے نجمی عالم، سنی تحریک کے مطلوب اعوان اور پاکستان عوامی تحریک کے قیصر اقبال نے خطاب کیا۔
مزید خبریں :
پول: امریکا کا اگلا صدر کون ہوگا؟
04 نومبر ، 2024
ڈسکہ الیکشن: علی اسجد ملہی اور نوشین افتخار کون ہیں؟
07 اپریل ، 2021
بھینس کا قومی دن
02 مارچ ، 2021
