محکمہ انسداد دہشت گردی نے گوجرانوالہ میں دہشت گردی کا منصوبہ ناکام بنا دیا، جہاں 2 دہشت گردوں کو گرفتار کر کے بھاری مقدار میں بارودی مواد برآمد کر لیا گیا ہے۔

سی ٹی ڈی ترجمان کے مطابق دہشت گرد گوجرانوالہ میں مذہبی اجتماعات اور کانفرنسوں کو نشانہ بنانا چاہتے تھے۔ کالعدم تنظیم سے تعلق رکھنے والے دونوں دہشت گردوں کو خفیہ اطلاع پر پرانی چونگی پسرور روڈ سے گرفتار کیا گیا ہے۔

سی ٹی ڈی ترجمان کے مطابق دونوں دہشت گردوں کے خلاف مقدمہ درج کر کے تفتیش کے لیے نامعلوم مقام پر منتقل کر دیا گیا ہے۔