پاکستان جاکر کھیلنے پر فخر ہے: ہاشم آملہ

کیپ ٹاون : آئندہ ماہ پاکستان کو دورہ کرنے والی ورلڈ الیون میں شامل جنوبی افریقا کے کھلاڑی ہاشم آملہ کا کہنا ہے کہ وہ پاکستان کے دورہ پر فخر محسوس کرتے ہیں۔

پاکستان کے دورے پر آنے والی 14 رکنی ورلڈ الیون ٹیم کا اعلان

جنوبی افریقا کے 5، آسٹریلیا 3، نیوزی لینڈ، سری لنکا، بنگلادیش اور انگلینڈ سے ایک ایک کھلاڑی ٹیم کا حصہ ہے۔

پاکستان میں بین الاقوامی کرکٹ کی بحالی کے سلسلے میں ورلڈ الیون آزادی کپ کھیلنے ستمبر میں پاکستان آئے گی جس میں ہاشم آملہ سمیت 5 جنوبی افریقن کھلاڑی شامل ہیں۔

جنوبی افریقا کے شہر کیپ ٹاؤن میں جیو نیوز سے گفتگو کرتے ہوئے ہاشم آملہ نے بتایا کہ انہوں نے آخری مرتبہ 10 سال پہلے پاکستان کا دورہ کیا تھا اور وہ اب دوبارہ پاکستان میں کرکٹ کھیلنے کے منتظر ہیں۔

انہوں نے کہا کہ پاکستان کرکٹ کے لیے ایک بہترین ملک ہے اور پاکستانی قوم کرکٹ سے محبت کرتی ہے اس لیے وہاں انٹرنیشنل کرکٹ ہونی چاہیے۔

ورلڈ الیون کے خلاف ٹی 20 سیریز کے لیے قومی ٹیم کا اعلان

ورلڈ الیون کے خلاف ٹیم کی قیادت سرفراز احمد کریں گے

ہاشم آملہ کا مزید کہنا تھا کہ پاکستان سپر لیگ میں لاہور قلندر کی ٹیم کے پاس ایک وژن ہے جس سے جنوبی افریقا کی گلوبل کرکٹ لیگ میں رونق بڑھے گی۔

ہاشم آملہ نے دورہ پاکستان کے لئے نیک تمناوں کا اظہار کرتے ہوئے کہا کہ وہ امید کرتے ہیں کہ سیریز بخیر و خوبی اور احسن طریقے سے ہوگی۔

پاکستان اور ورلڈ الیون کے درمیان 'آزادی کپ (انڈیپنڈنس)' کے نام سے تین ٹی 20 میچوں کی سیریز آئندہ ماہ لاہور کے قذافی اسٹیڈیم میں کھیلی جائے گی۔ سیریز کے میچز 13، 12 اور 15 ستمبر کو کھیلے جائیں گے۔