کراچی میں پولیو کا ایک اور کیس سامنے آگیا

کراچی میں پولیو کا دوسرا کیس سامنے آگیا جس میں 5 ماہ کا بچہ اس کا شکار ہوا ہے۔

ذرائع کے مطابق کراچی کے علاقے گڈاپ ٹاون کی یوسی 4 سے تعلق رکھنے والے پانچ ماہ کے زیب اللہ ولد غلام سخی کو پولیو کی ایک خوراک پلائی گئی تھی۔

کراچی میں 2017 کا پہلا پولیو کیس سامنے آگیا

سات ماہ کے قاسم میں پولیو وائرس کی تصدیق ہوئی ہے، محکمہ صحت

ذرائع کا کہنا ہےکہ متاثرہ بچے کا حفاظتی ٹیکوں کا کورس بھی مکمل نہیں ہوا تھا۔

کراچی میں رواں سال سامنے آنے والا یہ پولیو کا دوسرا کیس ہے۔

اس سے قبل بھی گلشن اقبال یوسی 13 میں رہائش پذیر محمد غنی کے کمسن بیٹے قاسم میں پولیو وائرس کی تصدیق ہوئی تھی۔

اس کیس کے بعد ملک میں رواں سال اب تک پولیو کے کیسز کی تعداد 6 ہوچکی ہے۔