16 جنوری ، 2018 
ڈچ لیجنڈ پال لیجنز کا پاکستان ہاکی کی موجودہ صورتحال پر اظہار افسوس
16 جنوری ، 2018
ہالینڈ سے تعلق رکھنے والے ہاکی لیجنڈ پال لیجنز کا کہنا ہے کہ پاکستان دنیا کی بہترین ہاکی ٹیم ہوتی تھی لیکن آج ٹیم صورتحال دیکھ کر افسوس ہوتا ہے۔
اپنے دور کے بہترین پنالٹی کارنر اسپیشلسٹ پال لیجنز پاکستان میں ورلڈ الیون ہاکی میچ اور ہال آف فیم ایونٹ میں شرکت کیلئے کراچی پہنچے ہیں۔
ان کے ساتھ ہاکی امپائر راب لاتھوورز بھی پاکستان آئے ہیں،ایئرپورٹ پر پاکستان ہاکی ٹیم کے چیف سلیکٹر اصلاح الدین نے مہمان کھلاڑیوں کا استقبال کیا۔
اس موقع پر میڈیا سے گفتگو میں پال لیجنز نے کہا کہ پاکستان ہاکی کی موجودہ صورتحال دیکھ کر افسوس ہوتا ہے، پاکستان ہاکی کی بہتری کیلئے ضروری ہے کہ دستیاب ٹیلنٹ کو زیادہ سے زیادہ میچز کھیلنے کا موقع دیا جائے۔
سابق ڈچ پنالٹی کارنر اسپشلسٹ کا کہنا تھا کہ ان کے زمانے میں پاکستان نے ہاکی میں بہت سے اعزازات جیتے جس کی وجہ سے یہ کھیل پاکستان میں کافی مشہور تھا امید ہے کہ ورلڈ الیون کا دورہ پاکستان میں ہاکی کو دوبارہ فروغ دے گا۔
جب ان سے پوچھا گیا کہ کیا وہ پاکستان ہاکی کی مدد کیلئے تیار ہیں تو ان کا کہنا تھا کہ انہیں ایسا کرکے خوشی ہوگی لیکن وہ اب اس کام کیلئے کافی بوڑھے ہوگئے ہیں اور ہاکی بھی پہلے سے کافی تبدیل ہوچکی ہے۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
فراڈ کیس میں سابق بھارتی کرکٹر کے وارنٹ گرفتاری جاری
22 دسمبر ، 2024
