26 فروری ، 2018 
رانا فواد لاہور قلندرز کی پہلی فتح کے لیے پر امید
26 فروری ، 2018
پاکستان سپر لیگ کے تیسرے ایڈیشن میں اب تک کھاتہ کھولنے میں ناکام لاہور قلندر کے مالک رانا فواد پر امید ہیں کہ ان کی ٹیم آج کراچی کنگز کے خلاف میچ میں فتح ضرور حاصل کرے گی۔
میچ سے قبل جیو سے خصوصی گفتگو کرتے ہوئے رانا فواد نے کہا کہ ہم کراچی کے خلاف اہم میچ کے لیے تیار ہیں، میچ کے دوران آپ مجھے ہنستے اور رقص کرتے دیکھیں گے۔
انہوں نے کہا کہ کھلاڑیوں میں جو جذبہ دیکھا ہے اسے مدنظر رکھتے ہوئے میں یہ کہہ سکتا ہوں کہ کراچی کے خلاف میچ کا نتیجہ مختلف ہوگا کیوں کہ کھلاڑیوں نے بہت محنت کی ہے۔
خیال رہے کہ ایونٹ میں لاہور قلندرز نے اب تک دو میچز کھیلے اور دونوں میں اسے شکست کا سامنا کرنا پڑا جب کہ کراچی کنگز نے اپنے دونوں میچز میں کامیابی حاصل کی ہے۔
لاہور قلندرز کے کپتان برینڈن میکولم اپنی دھواں دھار بیٹنگ کی وجہ سے مشہور ہیں لیکن ابتدائی دونوں میچز میں وہ کوئی خاطر خواہ پرفارمنس نہیں دے پائے تاہم آج ہونے والے میچ میں سب کی نظریں ان کی بیٹنگ پر ہوں گی۔
لاہور قلندرز کے پاس فخر زمان اور عمر اکمل جیسے جارح مزاج بلے باز بھی ہیں، اسی طرح بولنگ لائن میں ان کے پاس آئی سی سی رینکنگ میں پہلی پوزیشن پر رہنے والے سنیل نارائن، یاسر شاہ اور سہیل تنویر جیسے بولر بھی ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
