کوئٹہ گلیڈی ایٹرز کے کیوین پیٹرسن کا پاکستان آنے سے انکار

شارجہ: کوئٹہ گلیڈی ایٹرز کے جارحانہ بلے باز کیون پیٹرسن نے پاکستان آنے سے انکار کردیا۔

اسلام آباد یونائیٹڈ سے فتح کے بعد پریس کانفرنس کرتے ہوئے کیوین پیٹرسن نے کہا کہ کوئٹہ گلیڈی ایٹرز نے پی ایس ایل کے گزشتہ تین سیزنز میں شاندار کارکردگی کا مظاہرہ کیا ہے، ان کی پوری کوشش ہے کہ کوئٹہ گلیڈی ایٹرز کے مالک ندیم عمر کے لیے اس مرتبہ ٹرافی جیتیں کیوں کہ وہ بہت اچھے انسان ہیں۔

پیٹرسن کی جارحانہ اننگز کی بدولت کوئٹہ اسلام آباد کیخلاف کامیاب

کوئٹہ کے گیند بازوں کی شاندار بولنگ کی وجہ سے اسلام آباد صرف 134 رنز ہی اسکور کرپائے

ان کا  کہنا تھا کہ ورلڈ کپ سے صرف 12 ماہ قبل آپ کپتان تبدیل نہیں کرسکتے اور اگر ایسا کیا جائے تو ٹیم کے لیے نقصان دہ ہوتا ہے۔

پیٹرسن نے کہا کہ  ان کا تجربہ کہتا ہے کہ کپتان کو سپورٹ کیا جائے، اس سے ٹیم کے دیگر کھلاڑی بھی محفوظ محسوس کرتے ہیں۔

’سرفراز کو ٹیم کے تمام کھلاڑی پسند کرتے ہیں‘

پاکستان آکر کھیلنے سے متعلق سوال پر ان کا کہنا تھا کہ اس بار کوئٹہ کو جیتتا دیکھنا چاہتے ہیں لیکن پاکستان نہیں جاسکتے۔

سنگاکارا سمیت ملتان سلطانز کے تمام کھلاڑی پاکستان آنے کو تیار

سنگاکارا بھی پاکستان آنے پر رضامند ہیں اور اس حوالے سے بہت پرجوش ہیں، صدر ملتان سلطانز اشعر شون

 انہوں نے کہا کہ سرفراز کو ٹیم کے تمام کھلاڑی پسند کرتے ہیں اور وہ کرکٹ کو بہت اچھا سمجھتے ہیں۔

پیٹرسن کا کہنا تھا کہ ورلڈ کپ صرف 12 ماہ دور ہے، پاکستان کرکٹ بورڈ کو چاہیے کہ وہ سرفراز کو کہیں کہ آپ ہماری ٹیم کی ورلڈ کپ میں قیادت کریں گے۔

اس سوال پر کہ کیا وہ مزید کرکٹ کھیلنا چاہیں گے، پیٹرسن نے کہا کہ انہیں فیلڈنگ سے نفرت ہے، 20 سالوں پر محیط کریئر کے دوران انہیں کوئی بڑی انجری نہیں ہوئی اور وہ اس حوالے سے بہت خوش قسمت ہیں۔

پیٹرسن کا مزید کہنا تھا کہ ان کا ٹیم میں کردار نہ صرف میچ فنش کرنا بلکہ نوجوانوں کی تربیت بھی کرنا ہے۔

خیال رہے کہ بدھ کھیلے گئے میچ میں کوئٹہ گلیڈی ایٹرز نے اسلام آباد یونائیٹڈ کو 6 وکٹوں سے شکست دی تھی۔

کیون پیٹرسن نے 48 رنز کی اننگز کے ساتھ اس فتح میں کلیدی کردار ادا کیا تھا۔