لیڈز ٹیسٹ میں شکست، کپتان سرفراز کی بیٹنگ پر سوالات اٹھنے لگے

انگلینڈ کے خلاف لیڈز ٹیسٹ اننگز اور 55 رنز سے ہارنے کے بعد پاکستان اور انگلینڈ کی سیریز ایک ایک سے برابر رہی۔

گذشتہ 10 سال میں پاکستان اور جنوبی افریقہ ایسی ٹیمیں ہیں جو انگلینڈ کے خلاف مسلسل دو ٹیسٹ سیریز برابر کرنے میں کامیاب ہوئیں اور سیریز نہیں ہاری۔

انگلینڈ کے خلاف سیریز برابر ہونے کے بعد قومی کرکٹ ٹیم کے کپتان سرفراز احمد کی بیٹنگ کارکردگی کے بارے میں سوالات اٹھائے جارہے ہیں۔

اپنی کارکردگی کے بارے میں سرفراز احمد کا کہنا ہے کہ وہ اپنی بیٹنگ پرفارمنس سے مطمئن نہیں ہیں اور انہوں نے میچ میں ایک دو غلط شاٹس بھی کھیلے۔

لیڈز ٹیسٹ میں پاکستان کو اننگز کی شکست، سیریز 1-1 سے برابر ہوگئی

میزبان انگلینڈ نے دوسرے ٹیسٹ میچ میں پاکستان کو ایک اننگز اور 55 رنز سے ہرادیا، دوسری اننگز میں پاکستان ٹیم 134 رنز بناکر آؤٹ ہوگئی

سرفراز نے کہا ہے کہ وہ سیریز میں اچھی بیٹنگ کا مظاہرہ نہ کرنے پر مایوس ہیں۔

سرفراز احمد نے تین اننگز میں صرف 31 رنز بنائے اور ان کا سب سے زیادہ اسکور14 رنز تھا۔ سیریز میں انہوں نے وکٹ کیپر کی حیثیت سے 10 کیچز پکڑے۔

سرفراز احمد کہتے ہیں کہ ’میں بیٹنگ کی ناکامی پر مایوس ہوں اور اس پر کام کررہا ہوں‘۔

میچ میں شکست کے بعد ہیڈنگلے میں پریس کانفرنس کرتے ہوئے سرفراز احمد نے کہا کہ ’لیڈز ٹیسٹ میں شکست کی وجہ بیٹنگ لائن میں نظم وضبط کا نہ ہونا تھا، دونوں اننگز میں ہم نے ڈسپلن کے ساتھ بیٹنگ نہیں کی، ٹاس جیت کر پہلے بیٹنگ کا فیصلہ اس لیےغلط ثابت ہوا کیوں کہ بیٹسمین ناکام رہے‘۔

سرفراز نے کہا کہ ’پہلے دن انگلینڈ نے اچھی بیٹنگ کی دوسری اننگز میں ہم خراب کھیلے، ہم یہاں آنے سے قبل پر امید تھے، اگر لیڈز میں لڑ کر ہارتے تو خوشی ہوتی لیکن اس سے سیکھنے کا موقع ملے گا‘۔

جوز بٹلر کے ڈراپ کیچ نے ہماری مشکلات بڑھائی ہیں، مکی آرتھر

انگلینڈ میں ہونے والی ٹیسٹ کرکٹ نئی گیند کی کرکٹ ہے، وہ ٹیم کامیاب ہوجاتی ہے جو نئی گیند کے ابتدائی 40 اوورز کو اچھا کھیلتی ہے، ہیڈ کوچ

انہوں نے کہا کہ پہلی اننگز میں انگلینڈ نے غیر معمولی بولنگ کی اور دوسری اننگز میں بیٹسمین پریشر لے گئے، 189کی برتری کے بعد نوجوان کھلاڑی دباؤ میں آگئے، امید ہے کہ غلطیوں سے سبق حاصل کریں گے۔

سرفراز احمد نے کہا کہ جب ہم یہاں آئے تو لوگ کہہ رہے تھے کہ ہم تینوں ٹیسٹ ہار جائیں گے، ہمارے ٹیم کو کوئی ریٹ نہیں کررہا تھا، لارڈز میں سب کچھ ٹھیک تھا لیکن یہاں ہار کر ہم نے سیریز جیتنے کا موقع گنوا دیا، اگر سیریز جیت جاتے تو مزہ دوبالا ہوجاتا۔

انہوں نے کہا کہ غلطیوں کو ٹھیک کرنے کی کوشش کررہے ہیں اظہر علی ہمارا اہم پلیئر ہے، وہ لارڈز کے بعد ناکام رہا لیکن اس کی صلاحیتوں پر مجھے کوئی شک نہیں ہے۔

سرفراز کا ٹاس جیت کر بیٹنگ کا فیصلہ درست تھا، وسیم اکرم

ہمیں انگلینڈ کے بولروں کو کریڈٹ دینا ہوگا جنہوں نے کنڈیشنز کو بہت اچھے طریقے سے استعمال کیا، سابق کپتان

سرفراز احمد نے کہا کہ حسن علی نے دوسرے ٹیسٹ میں بولنگ اچھی نہیں کی، اگر وہ کیچ لے لیتے تو صورتحال مختلف ہوتی، کیچ ڈراپ ہونا کھیل کا حصہ ہے، حسن غلطیوں سے سیکھ رہا ہے، امید ہے کہ اس ٹیسٹ سے وہ اپنے کیریئر کو طول دے گا۔

سرفراز احمد نے کہا کہ نوجوان کھلاڑیوں پر مشتمل ٹیم کو انگلینڈ میں جتنی کرکٹ ملی ہے اس ٹف کنڈیشن میں ہمارے نوجوانوں کو سیکھنے کا موقع ملے گا۔