07 نومبر ، 2018 
پاکستان ہاکی فیڈریشن کی پی سی بی سے مالی تعاون کی درخواست
07 نومبر ، 2018
قومی کھیل ہاکی شدید مالی مشکلات کا شکار ہے اور ہاکی ٹیم کے ہیڈ کوچ توقیر ڈار نے چیئرمین پاکستان کرکٹ بورڈ سے مالی تعاون کی درخواست کی ہے۔
ذرائع کے مطابق قومی ہاکی ٹیم کے ہیڈ کوچ توقیر ڈار نے چیئرمین پاکستان کرکٹ بورڈ احسان مانی سے رابطہ کیا اور ہاکی سے متعلق امور پر تفصیلی بات چیت کی، دونوں کے درمیان 15 سے 20 منٹ تک گفتگو جاری رہی۔
ذرائع کا بتانا ہے کہ توقیر ڈار نے احسان مانی سے مالی تعاون کی اپیل کی تاہم چیئرمین پی سی بی نے کی ہاکی فیڈریشن کی مالی مدد سے معذرت کر لی۔
ذرائع کا کہنا ہے کہ احسان مانی نے ہاکی ٹیم کے کھلاڑیوں کے مسائل وزیراعظم تک پہنچانے کی یقین دہانی کرائی۔
توقیر ڈار نے تجویز پیش کی کہ حکومت ورلڈ کپ کے لئے کھلاڑیوں کو براہ راست فنڈز دے، کھلاڑیوں کو دیگر واجبات بھی براہ راست ادا کیے جائیں۔
توقیر ڈار نے کہا کہ بھارت میں ہوٹل کے واجبات بھی حکومت براہ راست ادا کرے۔
ذرائع کے مطابق چیئرمین پی سی بی نے ہاکی کی معاشی مشکلات پر تشویش کا اظہار کرتے ہوئے ہاکی معاملات ترجیحی بنیادوں پر حل کرانے کی یقین دہانی کرائی۔
خیال رہے کہ چند روز قبل سیکرٹری پی ایچ ایف شہباز سینئر نے حکومت کو مالی تعاون کے لیے خط لکھا تھا جس میں 8 روپے فراہم کرنے کی درخواست کی گئی تھی۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
