’بعض سیاسی، مذہبی جماعتیں تجاوزات کیخلاف آپریشن پر سیاست کر رہی ہیں‘

میئر کراچی وسیم اختر کا کہنا ہے کہ بعض سیاسی، مذہبی جماعتیں تجاوزات کے خلاف آپریشن کے معاملے پر سیاست کر رہی ہیں۔

جیو نیوز کی خصوصی ٹرانسمیشن میں گفتگو کرتے ہوئے وسیم اختر کا کہنا تھا کہ سپریم کورٹ کے احکامات کے بعد تجاوزات کے خلاف کارروائی کی گئی۔

تجاوزات کیخلاف آپریشن: پی ٹی آئی اور پیپلز پارٹی کا سپریم کورٹ جانے کا فیصلہ

گھروں کو گرانا ٹھیک نہیں، وزیراعلیٰ سندھ، سپریم کورٹ کے احکامات کی آڑ میں کئی کام کئے گئے ہیں، مرتضیٰ وہاب، چار گلیاں توڑ کر باقی گلیوں سے آفیشل بھتا شروع ہوچکا ہے، خرم شیرزمان

ان کا کہنا تھا کہ جو غلط کام ماضی میں ہوا، اُس کو درست کرنے جا رہے ہیں لیکن بعض سیاسی اور مذہبی جماعتیں تجاوزات کے خلاف آپریشن کے معاملے پر سیاست کر ر ہی ہیں۔

سابق ایڈمنسٹریٹر کراچی فہیم زمان نے کہا کہ کراچی میں لاقانونیت بڑھ گئی ہے، 10 فٹ کی گلیاں تجاوزات کے سبب ایک فٹ کی رہ گئی ہیں۔

انہوں نے کہا کہ مئیر وسیم اختر کو اچھا موقع ملا ہے کہ وہ کراچی کو تجاوزات سے پاک کرائیں۔