31 دسمبر ، 2018 
پاکستان
فائرنگ کے واقعے کے بعد پولیس اہلکار جائے وقوعہ پر کھڑے ہیں۔ فوٹو: جیو نیوز
ملزمان کی فائرنگ سے شہید ہونے والا پولیس اہلکار وسیم۔ فوٹو: جیو نیوز
اسلام آباد کے علاقے آئی ایٹ میں فائرنگ، پولیس اہلکار جاں بحق
31 دسمبر ، 2018
اسلام آباد: وفاقی دارالحکومت کے علاقے آئی ایٹ میں پولیس اہلکاروں پر فائرنگ کے نتیجے میں ایک اہلکار جاں بحق ہو گیا۔
پولیس حکام کے مطابق فائرنگ کا واقعہ آئی ایٹ میں واقع سنگم مارکیٹ کے قریب پیش آیا۔
جاں بحق پولیس اہلکار کی شناخت وسیم کے نام سے ہوئی ہے جب کہ عارف نامی پولیس اہلکار پاؤں پر گولی لگنے سے زخمی ہوا۔
حکام کا بتانا ہے کہ آئی ایٹ میں واقع گھر میں 4 افراد کے داخلے کی اطلاع پر پولیس نفری پہنچی تھی۔
پولیس کے مطابق اہلکاروں کے پہنچنے پر چاروں افراد فائرنگ کرتے ہوئے فرار ہو گئے۔
