11 اگست ، 2012 
شہباز شریف پوزیشن ہولڈر محسن کے تعلیمی اخراجات برداشت کرینگے
11 اگست ، 2012
لاہور… وزیراعلیٰ پنجاب نے پوزیشن ہولڈرمحمد محسن کے تعلیمی اخراجات برداشت کرنے ا اعلان کیا ہے۔ محمد محسن نے بی اے کے امتحان میں پہلی پوزیشن حاصل کی اور ماسٹرز کرناچاہتا ہے مگر تعلیمی اخراجات برداشت نہیں کر سکتا کیونکہ وہ تندور پر روٹیاں لگانے کا کام کرتا ہے۔ محسن نے جیونیوزسے گفتگو کرتے ہوئے کہاکہ وہ مزدورکے بیٹے ہیں ،اور تنورمیں روٹیاں لگاکر تعلیم کاشوق پورا کیا، وہ کالجوں کی فیس ادا نہیں کر سکتے تھے،اس لئے پرائیویٹ امتحان دیا،محمد محسن نے کہا کہ وہ ایم ایس سی کرناچاہتے ہیں لیکن اخراجات برداشت نہیں کرسکتے،اگرپنجاب حکومت نے مدد کی تو وہ ضرور ایم ایس سی کریں گے،محمد محسن کے والدین اپنے لال کی کامیابی پربہت خوش ہیں،انہوں نے کہاکہ اللہ تعالی نے جھونپڑی میں رہنیوالے مزدور کو عزت دی ہے۔جیو نیوز پر خبر نشر ہونے پر وزیراعلیٰ پنجاب نے نوٹس لیا اور محمد محسن کے تعلیمی اخراجات برداشت کرنے کا اعلان کیا ہے۔
مزید خبریں :
