انٹرویوز مکمل ، مصباح ہیڈ اور وقار یونس بولنگ کوچ کیلئے مضبوط امیدوار

پاکستان کرکٹ بورڈ (پی سی بی) کے پانچ رکنی پینل نے پہلے اجلاس میں ہیڈ کوچ اور بولنگ کوچ کیلئے  انٹرویوز مکمل کرلیے، سابق کپتان مصباح الحق ہیڈ کوچ جبکہ سابق ہیڈ کوچ وقار یونس بولنگ کوچ کیلئے مضبوط امیدوار ہیں۔

پانچ رکنی پینل میں شامل چیف ایگزیکٹو پی سی بی وسیم خان، ڈائریکٹر انٹرنیشنل کرکٹ ذاکر خان، گورننگ بورڈ کے رکن اسد علی خان، سابق کپتان و کوچ انتخاب عالم اور سابق ٹیسٹ کرکٹر بازید خان نے امیدواروں کے انٹر ویوز کیے۔

مصباح الحق کرکٹ کمیٹی سے مستعفی

پاکستان کرکٹ ٹیم کے ساتھ کام کرنا کسی شخص کے لیے بھی ایک خواب ہوتا ہے، قومی ٹیم کے ہیڈ کوچ کیلئے باظابطہ درخواست جمع کرادی ہے: سابق کپتان

ڈین جونز سمیت غیر ملکی امیدواروں کے انٹرویوز ویڈیو لنک کے ذریعے ہوئے۔

مقامی امیدواروں میں سے سب سے پہلے وقار یونس انٹرویو کیلئے فار اینڈ بلڈنگ قذافی اسٹیڈیم پہنچے۔

کیمپ کے پہلے سیشن کے بعد مصباح الحق انٹرویو کیلئے آئے جبکہ سابق ٹیسٹ کرکٹر محسن حسن خان کراچی سے انٹرویو کے لیے آئے۔

سابق فاسٹ بولر محمد اکرم بولنگ کوچ کی دوڑ سے باہر ہو گئے ہیں، ذرائع کا کہنا ہے کہ محمد اکرم امیدواروں میں سینیئرز اور خاص طور پر وقار یونس کی موجودگی کی وجہ سے اپنی درخواست سے دستبردار ہو ئے اور اس بارے انہوں نے گزشتہ رات بورڈ کو آگاہ کردیا تھا۔

وقار یونس پاکستان کرکٹ ٹیم کی کوچنگ کی دوڑ میں شامل

سابق فاسٹ بولر وقار یونس نے اس بار ہیڈ کوچ نہیں بلکہ بولنگ کوچ کے عہدے کیلئے درخواست دی دہے، ذرائع

بیٹنگ کوچ اور اسٹرینتھ اینڈ کنڈیشنگ کوچ کا فیصلہ بعد میں ہوگا۔ مصباح الحق ابھی بھی ہیڈ کوچ کیلئے مضبوط ترین امیدوار ہیں جبکہ وقار یونس کے بولنگ کوچ بننے کے قوی امکانات ہیں۔

وقار یونس کے ساتھ صرف معاوضے کے حوالے سے کوئی رکاوٹ پیدا ہو سکتی ہے ورنہ وہ مصباح الحق کے ساتھ کام کرنے میں کوئی دشواری محسوس نہیں کر رہے ہیں۔

ذرائع کا کہنا ہے کہ مصباح الحق کے ہیڈ کوچ بننے کی صورت میں ہائی پروفائل بیٹنگ کوچ کی خدمات حاصل نہیں کی جائیں گی بلکہ بورڈ اپنے کوچز میں سے کسی کو ذمہ داری سونپ سکتا ہے۔