28 ستمبر ، 2019 
پاکستان
ہنگو میں مسافر کوچ پر فائرنگ سے 6 افراد جاں بحق
28 ستمبر ، 2019
ہنگو کے علاقے زرگری میں مسافر کوچ پر فائرنگ سے 6 افراد جاں بحق اور 4 زخمی ہو گئے۔
پولیس کے مطابق زرگری میں مسافر کوچ پر فائرنگ مخالف گروپ کے افراد کی جانب سے کی گئی۔
مقامی حکام کا کہنا ہے کہ فائرنگ سے زخمی ہونے والے 4 افراد اور لاشوں کو ڈی ایچ کیو منتقل کیا جا رہا ہے۔
پولیس حکام کا کہنا ہے کہ فائرنگ کا واقعہ پرانی دشمنی کا نتیجہ ہے، ملزمان کی تلاش کے لیے چھاپے مارے جا رہے ہیں۔
