06 نومبر ، 2019 
پاکستانی باکسر محمد وسیم ایک بار پھر رِنگ میں اترنے کو تیار
06 نومبر ، 2019
پاکستانی باکسر محمد وسیم رواں ماہ ایک بار پھر رِنگ میں اترنے کو تیار ہیں اور وہ دبئی میں 2 مرتبہ کے فلائی ویٹ چیمپئن میکسیکو گنیگان لوپیز سے مقابلہ کریں گے۔
محمد وسیم نے ایک سال کے وقفے کے بعد رواں سال ستمبر میں پہلی باؤٹ کھیلی تھی جس میں انہوں نے فلپائنز کے کونراڈو تانامور کو ڈیڑھ منٹ سے بھی کم وقت میں ناک آؤٹ کردیا تھا۔
22 نومبر کو دبئی میں وسیم اور گنیگان لویپز کے درمیان فائٹ طے ہوگئی ہے، لوپیز ورلڈ باکسنگ کونسل (ڈبلیو بی سی) کے لائٹ فلائی ویٹ ورلڈ چیمپئن بھی رہ چکے ہیں۔
انہوں نے اب تک اپنے کیرئیر میں45 پروفیشنل باؤٹس کھیلیں ہیں جس میں سے 36جیتیں ہیں جب کہ 9 میں انہیں شکست ہوئی۔
دوسری جانب فیلکن کے نام سے مشہور پاکستان کے محمد وسیم 10 میں سے 9 پروفیشنل باؤٹس جیت چکے ہیں۔
محمد وسیم اس باؤٹ کے لیے اپنے کوچ ڈینی وان کی نگرانی میں بھرپور انداز میں تیاریاں کررہے ہیں۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
