07 نومبر ، 2019 
پروفیسر کے ناکامیوں کے بھنور میں پھنسی پاکستان ٹیم کو مشورے
07 نومبر ، 2019
پاکستان ٹی 20 ٹیم کے سابق کپتان محمد حفیظ نے آسٹریلیا میں موجو دپاکستان ٹی ٹونٹی کو مشورہ دیا ہے کہ پاکستان ٹیم آسٹریلیا کی آنکھوں میں آنکھیں ڈال کر کھیلے ۔
پاکستان اور آسٹریلیا کی کرکٹ ٹیموں کے درمیان تیسرا اور آخری ٹی ٹونٹی میچ کل پرتھ اسٹیڈیم میں کھیلا جائے گا۔ سیریز کا پہلا میچ بارش کی نذر ہو گیا تھا جب کہ دوسرے میچ میں آسڑیلیا نے پاکستان ٹیم کو شکست دی تھی ۔
پروفیسر کے نام سے مشہور محمد حفیظ کا کہنا ہے کہ دوسرے میچ میں پاکستان کے کچھ بیٹسمینوں نے ایسے شاٹس کھیلے جو ان کی گیم نہیں ہے ۔ "افتخار احمد نے اپنے آپ کو خوب ایکسپریس کیا ۔۔ اسی طرح دوسرے کھلاڑیوں کو بھی اپنے ٹیلنٹ کے مطابق کھیلنا چاہیے ۔"
انہوں نے مشورہ دیا کہ کھلاڑیوں کو کچھ نیا کرنے کی ضرورت نہیں ہے صرف اپنے اسٹائل کے مطابق اور حریف ٹیم کی آنکھوں میں آنکھیں ڈال کر کھیلیں ۔
محمد حفیظ کا کہنا ہے کہ موجودہ پاکستانی ٹیم میں ٹیلنٹ ہےاور وہ اس کی کامیابی کے لیے دعاگو ہیں ۔
