Can't connect right now! retry

پاکستان
24 فروری ، 2020

خیبر پختونخوا اسمبلی کی تمام قائمہ کمیٹیاں تحلیل کردی گئیں

خیبر پختونخوا اسمبلی میں اپوزیشن کے شور شرابے کے باوجود تمام قائمہ کمیٹیاں تحلیل کردی گئیں۔

خیبر پختونخوا اسمبلی پیر کو ایک بار پھر مچھلی بازار بنا رہا اور اپوزیشن ارکان نے اسپیکر ڈائس کے سامنے کھڑے ہوکر احتجاج کیا۔

اپوزیشن کے ہنگامے کے باوجود بلوں کی منظوری کا سلسلہ بھی جاری رہا اور اس دوران کے پی کے اسمبلی کی تمام قائمہ کمیٹیاں تحلیل کردی گئیں۔

ضلع خیبر سے پاکستان تحریک انصاف(پی ٹی آئی) کے ممبر اسمبلی شفیق آفریدی نے قائمہ کمیٹیوں کو ختم کرنے کے لیے تحریک پیش کی جس کے بعد اسپیکر مشتاق غنی نے 36 کمیٹیوں کو تحلیل کرنے کی باقاعدہ منظوری دے دی۔

شفیق آفریدی کا کہنا تھا کہ کمیٹیوں میں قبائلی اضلاع کے نمائندگی نہیں تھی۔

ہنگامہ آرائی کے دوران فنانس ترمیمی بل 2020 کی منظوری دی گئی جب کہ گلیات ڈویلپمنٹ اتھارٹی ترمیمی بل بھی منظور کرلیا گیا۔

اپوزیشن کے احتجاج کے باعث اجلاس صرف 40 منٹ چل سکا اور اسپیکر نے اجلاس کل 2 بجے تک کے لیے ملتوی کردیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM