17 دسمبر ، 2020 
ملک میں کورونا سے مزید 71 اموات، 2500 سے زائد نئے کیسز رپورٹ
17 دسمبر ، 2020
ملک میں کورونا وائرس سے مزید 71 افراد انتقال کرگئے جب کہ مزید 2545 افراد میں وائرس کی تصدیق ہوئی ہے۔
نیشنل کمانڈ اینڈ آپریشن سینٹر (این سی او سی) کے مطابق ملک بھر میں 24 گھنٹوں میں 40 ہزار 90 ٹیسٹ کیے گئے جن میں سے 2545 افراد میں وائرس کی تصدیق ہوئی جب کہ 71 اموات بھی ہوئیں۔
این سی او سی کے مطابق پاکستان میں کورونا سے انتقال کرنے والوں کی مجموعی تعداد9 ہزار80 ہوگئی ہے جب کہ مجموعی کیسز 4 لاکھ 48522 تک جا پہنچے ہیں جن میں ایکٹو کیسز کی تعداد 42ہزار 851 ہے۔
این سی او سی کے مطابق 24 گھنٹوں میں کورونا کیسز مثبت آنے کی شرح6.3 رہی جب کہ 24 گھنٹوں میں کورونا کے 7993 مریض صحت یاب ہوئے جس کے بعد اب تک 3 لاکھ 96 ہزار 591مریض صحتیاب ہوچکے ہیں۔
کورونا سے سب سے زیادہ اموات پنجاب میں ہوئیں جن کی تعداد 39 ہے جب کہ دوسرے نمبر پر سندھ میں 15، کے پی 13، اسلام آباد 3 اور کشمیر میں ایک ہلاکت ہوئی۔
