لگتا ہے سعد رفیق کا سافٹ ویئر اپڈیٹ ہوگیا، فردوس عاشق اعوان

وزیراعلیٰ پنجاب کی معاون خصوصی برائے اطلاعات فردوس عاشق اعوان نےکہا ہےکہ لگتا ہےکہ خواجہ سعد رفیق کا سافٹ ویئر اپڈیٹ ہو چکا ہے۔

سیالکوٹ میں ایک تقریب کے موقع پرگفتگو کرتے ہوئے فردوس عاشق اعوان کا کہنا تھا کہ خواجہ آصف کا اقامہ اور کروڑوں روپے کے اکاؤنٹ سامنے آچکے ہیں، جمہوریت کی گاڑی چلانے کے لیے احتساب کا عمل بہت ضروری ہے۔

ملک چلانا بچوں کا کھیل نہیں، اسے اناڑیوں کے حوالے کر دیا گیا ہے: سعد رفیق

عمران خان کی جمہوریت کے لیے کوئی جدوجہد نہیں ہے، ملک کو 73 کے آئین کے تحت آگے بڑھانے کے علاوہ کوئی راستہ نہیں ہے: رہنما ن لیگ

 فردوس عاشق اعوان کا کہنا تھا کہ عمران خان پر گرجنے والوں کی چیخیں انہیں فائدہ نہیں پہنچائیں گی۔

 ان کا کہنا تھا کہ شریف خاندان کے کچھ گھریلو ملازمین آج سیالکوٹ میں گفتگو کر رہے تھے، جو خواجہ آصف کی معصومیت کی گواہیاں دے رہے تھے۔

انہوں نےکہا کہ لوہے کے چنے چبوانے والا شخص بھی آج سیالکوٹ میں موجود تھا، صحافی کے اسٹیبلشمنٹ کے حوالے سےسوال پر سعد رفیق نے جواب دینے سےگریز کیا، لگتا ہےخواجہ سعد رفیق کا سافٹ ویئر اپڈیٹ ہو چکا ہے۔