کراچی…جسٹس غلام سرور کورائی اور جسٹس عرفان سعادت خان نے سندھ ہائی کورٹ کے دو مستقل ججز کی حیثیت سے اپنے عہدے کا حلف اٹھا لیا ، سندھ ہائی کورٹ میں ججز کی تعداداب 25 ہوگئی ہے۔ کراچی میں سندھ ہائی کورٹ کے مستقل کیے جانے والے دو ججز کی تقریب حلف برداری منعقد ہوئی۔ جس میں جسٹس غلام سرور کورائی اور جسٹس عرفان سعادت خان نیاپنے عہدے کاحلف اٹھا لیا۔سندھ ہائی کورٹ کے چیف جسٹس مشیر عالم نے دونوں جج صاحبان سے حلف لیا۔ سندھ ہائی کورٹ میں اب ججز کی تعداد 25 ہوگئی ہے۔حلف اٹھانے والے دنوں ججز کی مستقل تعیناتی کو پارلیمانی کمیٹی نے مسترد کردیا تھا تاہم سپریم کورٹ کے حکم پر بحالی کا نوٹفیکیشن جاری کیا گیا۔اس موقع پر میڈیا سے بات کرتے ہوئے چیف جسٹس سندھ ہائی کورٹ مشیر عالم نے کہا کہ کوشش ہے کہ اچھے ، دیانتدار اور قابل لوگ عدلیہ کا حصہ بنیں۔مزید ججز کی تقرری کے لئے نام دسمبر تک سپریم جیوڈیشل کونسل کو بھیجے جائیں گے۔ دو ججز کی مستقل جج کی حیثیت سے حلف کے بعد سندھ ہائی کورٹ میں ججز کی تعداد اب 25 ہوگئی۔کوشش ہے کہ اچھے ، دیانتدار اور قابل لوگ عدلیہ کا حصہ بنائیں۔