پاکستان سے شکست کے بعد نیوزی لینڈ کرکٹ بورڈ کا بیان سامنے آگیا

آئی سی سی مینز ٹی ٹوئنٹی ورلڈ کپ کے گروپ 2 کے مقابلے میں پاکستان کے ہاتھوں شکست کے بعد نیوزی لینڈ کرکٹ بورڈ کا بیان سامنے آگیا۔

 نیوزی لینڈ کرکٹ بورڈ نے ٹوئٹ کرتے ہوئےکہا کہ' ہدف کے دفاع کرنے کی پوری کوشش کے باوجود  آج شارجہ میں پاکستان کی رات تھی'۔

واضح رہے کہ گزشہ روز گروپ 2 کے مقابلے میں نیوزی لینڈ نے پاکستان کی دعوت پر پہلے بیٹنگ کی اور  مقررہ 20 اوورز میں 8 وکٹوں کے نقصان پر 134 رنز بنائے۔

ورلڈ ٹی ٹوئنٹی: بھارت کے بعد پاکستانی شاہینوں نے کیویز کو بھی دبوچ لیا

پاکستان ٹیم گروپ 2 میں شامل ہے اور اپنے دونوں میچز جیت کر 4 پوائنٹس کے ساتھ پہلی پوزیشن پر پہنچ گئی ہے

پاکستان نے مقررہ ہدف 19 ویں اوور میں مکمل کرکے  نیوزی لینڈ کو 5 وکٹوں سے شکست دیکر ٹورنامنٹ میں دوسری فتح اپنے نام کی ۔