پاکستان
22 جنوری ، 2022

سندھ پولیس کے پاس واٹس ایپ کال ٹریس کرنے کی ٹیکنالوجی موجود نہ ہونے کا انکشاف

کراچی: سندھ پولیس کے پاس واٹس ایپ کی کال ٹریس کرنے کے لیے ٹیکنالوجی موجود نہ ہونے کا انکشاف ہوا ہے۔

سندھ ہائیکورٹ میں لاپتا افراد کی بازیابی سے متعلق کیس کی سماعت ہوئی جس دوران پولیس نے انکشاف کیا کہ  واٹس ایپ سےکی جانے والی فون کال ٹریس نہیں ہوسکتی۔

جے آئی ٹی کے سربراہ نے اس بات کا اعتراف کیا کہ پولیس کے پاس ایسی ٹیکنالوجی نہیں جو واٹس ایپ کال کو ٹریس کرسکے۔

تفتیشی افسر نے عدالت کو بتایا کہ لاپتا شہری سلطان سے متعلق مسقط سے واٹس ایپ پر کال کی جارہی ہے، اس پر عدالت نے سوال کیا کہ واٹس ایپ کال کسی نہ کسی فون نمبر سے کی جاتی ہوگی؟ تفتیشی افسر نے بتایا کہ مسقط کا فون نمبر صرف واٹس ایپ پر موجود ہے اور سم بند ہے۔

عدالت نے استفسار کیا کہ واٹس ایپ نمبر جس انٹرنیٹ یا سیلولر سروس سے کنیکٹ ہے اس کا سراغ نہیں لگایا جاسکتا؟ اس پر تفتیشی افسر نے بتایا کہ  سم بند ہے اور تحقیقات میں تعاون کے لیے ایف آئی اے کو بھی لکھا ہے۔

عدالت نے  پولیس کو لاپتا شہری سلطان کی بازیابی کےلیے ایف آئی اے سے بھی مدد لینےکا حکم دیتے ہوئے پیشرفت رپورٹ 8 فروری کو طلب کرلی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM