21 فروری ، 2022 
سوئس سیکرٹس: مزید عالمی رہنماؤں اور انکے بچوں کے خفیہ اکاؤنٹس سامنے آگئے
21 فروری ، 2022
پانامہ کے بعد دنیا میں ایک اور بڑا مالیاتی اسکینڈل منظر عام پر آ گیا۔
گزشتہ شب سوئس سیکرٹس کے نام سے 18 ہزار بینک اکاؤنٹس کا ریکارڈ لیک کیا گیا جس میں دنیا بھر کے بدعنوان سیاستدانوں، آمروں، جرائم پیشہ افراد اور جاسوسوں کے سوئس بینک اکاؤنٹس کی تفصیلات شامل ہیں۔
سوئس سیکرٹس کے مطابق سابق مصری آمرحسنی مبارک کے بیٹوں جمال اور اعلیٰ مبارک کے خفیہ اکاؤنٹس کا انکشاف ہوا ہے۔
حسنی مبارک دور کے بدنام زمانہ انٹیلی جنس چیف سلیمان اوراہلخانہ کےبھی خفیہ سوئس اکاؤنٹس نکل آئے۔
اس کے علاوہ زمبابوے کے سابق صدر رابرٹ مگابے کے قریبی ساتھی اوران کی جماعت کی مبینہ فنڈنگ کرنے والے بزنس مین بھی فہرست میں شامل ہیں۔
آذربائیجان کے آمر واصف طالبوف کے بیٹوں کے بھی سوئس اکاؤنٹس کا انکشاف ہوا ہے جبکہ قازقستان کے صدر قاسم توقایف کے 10 لاکھ ڈالر کے آف شور اکاؤنٹس سامنے آئے۔
اردن کے شاہ عبداللہ دوم، عراق کےسابق نائب وزیراعظم ایاد علاوی آرمینیا کے سابق صدرآرمین سرگسیان بھی خفیہ اکاؤنٹس کے مالک نکلے۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
