کے پی بلدیاتی انتخابات کے دوسرے مرحلےکے لیے امیدواروں کے اعداد و شمار جاری

الیکشن کمیشن پاکستان نےخیبرپختونخوا(کے پی) میں بلدیاتی انتخابات کے دوسرے مرحلےکے لیے امیدواروں کے اعدادو شمار جاری کردیے۔

الیکشن کمیشن کے مطابق دوسرے مرحلے میں مجموعی طور پر 29 ہزار 338 امیدوار انتخابات میں حصہ لے رہے ہیں۔

الیکشن کمیشن کی جانب سے جاری تفصیلات کے مطابق تحصیل میئر و چیئرمین کی نشستوں کے لیے 651  امیدواروں کے درمیان مقابلہ ہوگا، ولیج و نیبرہڈکونسل میں جنرل نشستوں پر 13ہزار 331 امیدواروں کے درمیان مقابلہ ہوگا۔

تفصیلات کے مطابق خواتین کی نشستوں پر 3 ہزار 201 امیدواروں کےدرمیان مقابلہ ہوگا، مزدور وکسان کی نشستوں پر6 ہزار 602 امیدواروں کےدرمیان مقابلہ ہوگا، نوجوانوں کی نشستوں پر 5 ہزار 446  اور اقلیتی نشستوں پر107 امیدواروں کے درمیان مقابلہ ہوگا۔

خیبر پختونخوا میں بلدیاتی انتخابات کے دوسرے مرحلےکا شیڈول جاری

خیبرپختونخوا میں بلدیاتی انتخابات کے دوسرے مرحلےکی پولنگ 27مارچ کو ہوگی، الیکشن کمیشن

کے پی ضمنی بلدیاتی الیکشن: غیر حتمی نتائج میں جے یو آئی سب سے آگے

جمعیت علمائے اسلام ف کو 23 نشستوں کے ساتھ سب سے آگے ہے جبکہ پاکستان تحریک انصاف 18 نشستیں لے کر دوسرے نمبر پر رہی۔