10 مارچ ، 2022 
’وکٹ بنانے والا میرا رشتے دار نہیں‘، امام الحق پنڈی ٹیسٹ کی پچ پر تبصروں سے خفا
10 مارچ ، 2022
قومی ٹیم کے بیٹر امام الحق راولپنڈی ٹیسٹ میں پچ پر کی جانے والی تنقید پر خفا ہوگئے۔
کراچی میں ورچوئل پریس کانفرنس کرتے ہوئے امام الحق نے کہا کہ باہربیٹھ کربھی بہت کچھ سیکھنےکوملا اور ڈومیسٹک کھیل کرکم بیک کرنے میں آسانی ہوئی جب کہ آسٹریلیا کے خلاف ہوم گراؤنڈ پرکم بیک کیا، کراچی ٹیسٹ میں بھی شاندارکھیل پیش کرنے کی کوشش کریں گے۔
راولپنڈی ٹیسٹ میں پچ کے معاملے پر امام الحق کچھ ناراض دکھائی دیے اور انہوں نے کہا کہ کوئی بھی نہیں چاہتا ٹیسٹ ڈراہو،جب ہم آسٹریلیا جاتے ہیں تو وہ ہم سے پوچھ کروکٹ نہیں بناتے کیونکہ ہوم گراونڈ پراپنی صلاحیت کودیکھ کر وکٹ بناتے ہیں۔
قومی کرکٹر کا کہنا تھا کہ کیوریٹر نے میری مرضی سے پنڈی اسٹیڈیم کی وکٹ نہیں بنائی تھی اور وکٹ بنانے والا میرا رشتے دارنہیں، وکٹ گرین ہونیلی ہویا پیلی میرا کام پرفارم کرنا ہے۔
واضح رہےکہ راولپنڈی اسٹیڈیم کی پچ پر کھلاڑیوں اور شائقین کرکٹ کی جانب سے تنقید کی گئی تھی جس پر گزشتہ روز چیئرمین پی سی بی رمیز راجہ نے بیان جاری کرتے ہوئے کہا تھا کہ تیز پچوں پر آسٹریلیا کے خلاف کھیلنا نہیں چاہتے، گھر میں کھیلیں تو اپنی طاقت کے حساب سے کھیلنا چاہیے۔
مزید خبریں :
فخر زمان کی مشکلات جلد ختم ہونے کا امکان
30 اکتوبر ، 2024
پاکستان ہاکی ٹیم کےکھلاڑی ابو بکر کے گھٹنےکی سرجری ہوگئی
30 اکتوبر ، 2024
