14 مارچ ، 2022 
’شین وارن کا خیال تھا وہ 30 سال مزید زندہ رہیں گے‘
14 مارچ ، 2022
دنیائے کرکٹ کے مایہ ناز لیگ اسپنر شین وارن سے متعلق ایک انکشاف سامنے آیا ہے جس میں ان کی کاؤنسلر نے بتایا کہ شین وارن کا خیال تھا ان کے پاس جینے کے لیے مزید 30 سال ہیں۔
غیر ملکی خبر رساں ادارے کی ایک رپورٹ کے مطابق شین وارن کی کاؤنسلر لیان یانگ کا کہنا ہے کہ شین وارن مرنے سے قبل بے حد خوش تھے۔
لیان یانگ کے مطابق انہوں نے 2015 میں 52سالہ شین وارن کو شادی کرنے کا مشورہ دیا تھااور آسٹریلوی کھلاڑی شادی کیلئے تیار بھی ہوگئے تھے۔
شین شادی کے لیے کسی لڑکی کی تلاش میں تھے: کاؤنسلر
انہوں نے کہا کہ شین وارن کی موت ایک خوفناک صدمہ تھی کیوں کہ وہ شادی کے لیے کسی لڑکی کی تلاش میں تھے۔
کاؤنسلر نے شین وارن کے ساتھ ہوئی گفتگو سے پردہ اٹھاتے ہوئے بتایا کہ میں نے شین سے ان کی خواہش پوچھی کہ وہ اب کیا چاہتے ہیں؟ تو انہوں نے کہا کہ میں3 کام کرنا چاہتا ہوں، بچوں کے ساتھ وقت گزارنا، کسی کے ساتھ شادی کرنا اور کرکٹ کھیلنا۔
کاؤنسلر نے انکشاف کیا کہ شین وارن مستقبل کے لیے منصوبہ بندی کررہے تھے اور انہوں نے بتایا تھا کہ وہ زندگی سے کیا چاہتے ہیں۔
شین نے 3 ماہ کی چھٹی لے رکھی تھی: کاؤنسلر
لیان کے مطابق سب کچھ ٹھیک جارہا تھا اور شین نے 3 ماہ کی چھٹی لے رکھی تھی جس دوران وہ اپنے بچوں کے ساتھ وقت گزارنے کے منتظر تھے جن سے انہیں محبت تھی،شین کو صحت کے حوالے سے کسی مسائل کا سامنا نہیں تھا وہ سوچ رہے تھے کہ ان کے پاس جینے کے لیے 30 سال مزید باقی ہیں۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
5 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
8 گھنٹے پہلے
