17 مارچ ، 2022 
شاہ رخ اور سلمان کی شخصیت سے متعلق سوال پر شعیب اختر نے کیا جواب دیا؟
17 مارچ ، 2022
سابق پاکستانی کرکٹر شعیب اختر نے بالی وڈ خانز سلمان خان اورشاہ رخ خان کی شخصیت سے متعلق گفتگو کی ہے۔
سابق کرکٹر شعیب اختر حال ہی میں کامیڈین تنمے بھٹ کے چیٹ شو 'پاکستانیز آر سیویج‘ میں شریک ہوئے جس میں اداکار گوپال دت اور کامیڈین ذاکر خان بھی شریک تھے۔
شعیب اختر نے چیٹ شو میں مختلف موضوعات پر بات کی اور لتا منگیشکر کی آخری رسومات میں شاہ رخ خان کے ساتھ پیش آئے تنازع پر بھی بات کی۔
اس معاملے پر شعیب اختر نے کہا کہ ہاں جی دعا پڑھتے ہیں، دعا شاہ رخ خان نے بھی کی تھی۔
دورانِ شو شعیب اختر نے کہا کہ رنویر سنگھ پارٹی کے شیدائی ہیں اور وہ بے حد لطف اندوز ہوتے ہیں۔
ذاکر خان نے شعیب اختر سے پوچھا کہ آپ نے شاہ رخ خان کے ساتھ بہت کام کیا ہے اور آپ کا انداز سلمان خان سے بھی ملتا ہے اور ان کی طرح رہتے ہیں کیا آپ ان سے کبھی ملے ہیں؟
ذاکر کے سوال پر شعیب اختر نے جواب دیاکہ سلمان خان کے ہمراہ بہت وقت گزارا ہے، بہت زبردست آدمی ہیں۔
کامیڈین ذاکر خان نے سابق کرکٹر سے کہا کہ آپ کی ایک ایسی بات جو سلمان اور شاہ رخ سے ملتی ہے وہ یہ ہے کہ آپ تینوں پارٹی بہت دیر تک کرتے ہیں، اس پر شعیب نے فوری جواب دیا کہ اس میں رنویر نمبر لے گیا ہے۔
واضح رہےکہ ان دنوں شاہ رخ خان دیپیکا کے ہمراہ سدھارت آنند کی فلم ’پٹھان‘ کی شوٹنگ کے لیے اسپین میں موجود ہیں۔
مزید خبریں :
سلمان کے بعد شاہ رخ خان کو بھی جان سے مارنےکی دھمکی
07 نومبر ، 2024
امریکی انتخابات: اداکارہ ریما نے کسے ووٹ دیا؟
06 نومبر ، 2024
