25 مارچ ، 2022 
امریکا:دنیا بھر کے توانائی سیکٹرز میں ہیکنگ کا الزام، 4 روسی ایجنٹس پر فردِ جرم عائد
25 مارچ ، 2022
امریکا میں دنیا بھر کے توانائی کے شعبے میں ہیکنگ کے الزام میں 4 روسی ایجنٹس پر فرد جرم عائد کردی گئی۔
فرانسیسی خبررساں ایجنسی ( اے ایف پی ) کے مطابق امریکی محکمہ انصاف کا کہنا ہے کہ 4 روسی ہیکرز نے 2012 سے 2018 تک 135 ملکوں کے ہزاروں کمپیوٹرز اور سیکڑوں توانائی کی کمپنیوں کو نشانہ بنایا۔
امریکی محکمہ انصاف کے مطابق ہیکرز نے ریاست کنساس میں نیوکلیئر پاور فیسیلیٹی کو بھی نشانہ بنایا تھا۔
وفاقی پروسیکیوٹر نے الزام لگایا کہ روس کی وزارت دفاع سے وابستہ ایک ملازم نے کمپیوٹر سسٹمز میں "بیک ڈورز" نصب کیے اور میلویئر کو داخل کیا جس کا مقصد توانائی کی سہولیات کی حفاظت کو نقصان پہنچانا تھا۔
اس کے علاوہ ایک الگ فرد جرم میں الزام لگایا گیا ہے کہ فیڈرل سکیورٹی سروس کے تین ملازمین نے توانائی کے شعبے میں کمپیوٹر سسٹمز کو نشانہ بنانے کے لیے ایک سال طویل کوشش کی۔
غیر ملکی میڈیا رپورٹس کے مطابق محکمہ انصاف کا کہنا ہے کہ روسی شہریوں کو روس کی وزارت دفاع کے ایک ریسرچ انسٹی ٹیوٹ اور فیڈرل سکیورٹی سروس (ایف ایس بی) نے ملازمت دی تھی۔
قانون نافذ کرنے والے ایک سینئر اہلکار نے کہا کہ اگرچہ ہیکرز 2018 سے آگے نہیں بڑھے ہیں لیکن وہ اہم بنیادی ڈھانچے کے لیے جاری خطرات کی نشاندہی کرتے ہیں۔
مزید خبریں :
دبئی میں لاپتہ اسرائیلی مذہبی رہنما کی لاش مل گئی
6 گھنٹے پہلے
ایلون مسک کی دولت ریکارڈ 348 ارب ڈالرز تک پہنچ گئی
24 نومبر ، 2024
