09 اپریل ، 2022 
وزیراعظم عمران خان کی 2 اہم ملکی شخصیات سے ملاقات کا انکشاف
09 اپریل ، 2022
وزیراعظم عمران خان سے 2 اہم ملکی شخصیات سے ملاقات کی اطلاعات سامنے آئی ہیں۔
برطانوی خبر رساں ایجنسی (رائٹرز) کی رپورٹ میں دعویٰ کیا گیا ہے عمران خان اور 2 اہم ملکی شخصیات کی ملاقات ہفتہ یعنی آج ہوئی۔
وزیراعظم عمران خان کے خلاف تحریک عدم اعتماد قومی اسمبلی میں موجود ہے اور اس پر آج ووٹنگ ہونی ہے، اس تناظر میں اس ملاقات کو اہم قرار دیا جارہا ہے۔
رائٹرز کے مطابق اس ملاقات سے واقف دو ذرائع نے ملاقات کی تصدیق کی ہے تاہم ملاقات کی مزید تفصیلات سامنے نہیں آئیں۔
خیال رہے کہ سوشل میڈیا پر آج وزیراعظم عمران خان کی جانب سے آرمی چیف جنرل قمر جاوید باجوہ کو عہدے سے ہٹائے جانے سے متعلق خبریں گردش کر رہی تھیں تاہم وزیراعظم عمران خان نے خود اس خبر کی تردید کردی تھی۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
6 گھنٹے پہلے
کیا پیراتھائرائیڈکا علاج پاکستان میں ممکن ہے؟
8 گھنٹے پہلے
