کراچی: فٹبال ٹورنامنٹ میں میچ فکسنگ ثابت ہونے پر ٹیم کو چیمپئن شپ سے باہر کردیا گیا

کراچی میں جاری رمضان کپ فلڈ لائٹ فٹ بال ٹورنامنٹ کے آخری لیگ میچ میں کھلاڑیوں کی ملی بھگت سے میچ فکسڈ کیا گیا جو ویڈیو کی مدد سے سامنے آگیا۔

 نیشنل شاہین اور بابل اسپورٹس کے درمیان کھیلاگیا میچ فکسڈ ثابت ہوا، ٹورنامنٹ کے منتظمین نے فوری ایکشن لیا کھلاڑیوں کے بیانات لیے گئے اور فکسنگ میں ملوث ٹیم نیشنل شاہین کو سیمی فائنل سے باہر کردیا گیا۔

 ٹورنامنٹ کے سیکرٹری ناصر اسماعیل کا کہنا تھا کہ بابل اسپورٹس پہلے ہی ٹورنامنٹ سے باہر تھی ،میچ فکسنگ میں دونوں ٹیموں کے کھلاڑی ملوث تھے۔

کراچی فٹبال ٹورنامنٹ میں لیاری کی خواتین کھلاڑیوں کی عمدہ کارکردگی

ٹورنامنٹ کا فائنل مقابلہ جعفر کلب اور ایم ایل او کلب کے درمیان ہوا جس میں پینلٹی ککس پر ایم ایل او کلب نے کامیابی حاصل کی۔

دوسری جانب میچ میں شریک بابل اسپورٹس کلب نے بھی اپنے کھلاڑیوں کے خلاف ایکشن لیتے ہوئے کھلاڑیوں پر چار چار ماہ کی پابندی عائد کردی ۔

لہٰذابرما آفریدی ملیر کو کامیاب قرار دیتے ہوئے سیمی فائنلسٹ ٹیموں میں شامل کرلیا گیا۔