18 اپریل ، 2022 
لاہور ہائیکورٹ میں وکیل کے مبینہ تشدد سے سب انسپکٹر جاں بحق
18 اپریل ، 2022
لاہور ہائیکورٹ میں ملزم پارٹی کے ساتھ جھگڑے میں پنجاب پولیس کا سب انسپکٹر جاں بحق ہو گیا۔
سب انسپکٹر سلیمان، ملزم حسنین علی کی ضمانت کا ریکارڈ لیکر لاہور ہائیکورٹ آیا تھا، ضمانت خارج ہونے پر سب انسپکٹر سلیمان اور ملزم پارٹی کے درمیان جھگڑا ہو گیا۔
جھگڑے کے دوران سب انسپکٹر سلیمان بے ہوش ہو کر گر پڑا، سب انسپکٹر سلیمان کو اسپتال منتقل کیا گیا تاہم وہ جانبر نہ ہو سکا۔
اس حوالے سے پولیس ترجمان کا کہنا ہے کہ لاہور ہائیکورٹ میں جاں بحق سب انسپکٹر وکیل کے مبینہ تشدد سے جاں بحق ہوا، سب انسپکٹر سلیمان سیالکوٹ سے پیشی کے لیے ہائیکورٹ آیا تھا۔
پولیس ترجمان کا کہنا ہے کہ قائم مقام سی سی پی او شہزادہ سلطان نے واقعےکا نوٹس لے لیتے ہوئے شہزادہ سلطان نے ایس پی ہائیکورٹ سکیورٹی سے رپورٹ طلب کر لی ہے۔
سی سی پی او شہزادہ سلطان نے واقعےکی مکمل تحقیقات کا حکم دیتے ہوئے کہا کہ پوسٹ مارٹم رپورٹ اور شواہدکی روشنی میں ذمہ داروں کےخلاف کارروائی کی جائے۔
یاد رہے کہ ملزم حسنین علی کے خلاف تھانہ بدوملہی میں مقدمہ درج ہے۔
