18 اپریل ، 2022 
پاکستان
پنجاب اسمبلی میں لوٹےکیسے پہنچے؟ جیو نیوز نے سی سی ٹی وی فوٹیج حاصل کرلی
18 اپریل ، 2022
پنجاب اسمبلی میں ایک روز قبل ہونے والی ہنگامہ آرائی سے قبل ایوان میں لوٹے پہنچنے کی سی سی ٹی وی فوٹیج جیو نیوز نے حاصل کرلی۔
سی سی ٹی وی فوٹیج میں دیکھا جاسکتا ہےکہ حکومتی ارکان نے اسمبلی اسٹاف کی مدد سے لوٹے اندر پہنچائے۔
حکومتی ارکان ہاتھوں میں لوٹے تھامے اندر جاتے دکھائی دے رہے ہیں اور سکیورٹی اسٹاف نے کسی کو لوٹا اندر لےکر جانے سے منع نہیں کیا۔
خیال رہےکہ 16 اپریل کو پنجاب اسمبلی کے اجلاس میں حکومتی اراکین اسمبلی اپنے ساتھ لوٹے بھی لے آئے تھے اور انہوں نے لوٹے لوٹے کے نعرے لگانا شروع کر دیے تھے جس کے باعث ایوان میں شور شرابہ شروع ہوگیا۔
