25 مئی ، 2022 
پاکستان
مقتول کا کوئی دوست ملنے کے لیے گھر پر آیا تھاجو فائرنگ کرکے فرار ہوگیا، پولیس— فوٹو: فائل
کراچی میں اے ایس ایف فاؤنڈیشن کے سابق عہدیدار گھر میں قتل
25 مئی ، 2022
کراچی کے علاقے درخشاں میں اے ایس ایف فاؤنڈیشن کے سابق عہدیدار کو قتل کردیا گیا۔
پولیس کے مطابق سید طارق شاہ کو ڈیفنس فیز 8 میں درخشاں کے علاقے میں گھر میں قتل کیا گیا، فائرنگ سے ہلاکت کی واردات باہمی تنازع کا شاخسانہ معلوم ہوتی ہے۔
پولیس کا یہ بھی کہنا ہے کہ مقتول کا کوئی دوست ملنے کے لیے گھر پر آیا تھاجو فائرنگ کرکے فرار ہوگیا۔
درخشاں پولیس کے مطابق مقتول طارق شاہ نے اپنی ملازمہ کو اپنے دوست کے آنے اور دروازہ کھولنے کا کہا، ملازمہ نے دروازہ کھولا، جوں ہی مہمان اندر آیا طارق شاہ پر فائرنگ کردی اور فرار ہوگیا۔
