30 مئی ، 2022 
بالی وڈ اداکارہ نے 6 ہزار خواتین کیساتھ رقص کرکے عالمی ریکارڈ بنادیا
30 مئی ، 2022
معروف بالی وڈ اداکارہ نشرت بھاروچا نے 6 ہزار خواتین کے ساتھ رقص کرکے عالمی ریکارڈ بنادیا۔
بھارتی میڈیا رپورٹس کے مطابق نشرت بھروچا، جو اپنی نئی فلم 'جنہت میں جاری' میں نظر آئیں گی، نے جے پور میں فلم کی تشہیر کے دوران ایک عالمی ریکارڈ بنادیا۔
رپورٹس کے مطابق نشرت بھروچا نے اپنے ساتھی اداکار انود سنگھ کے ساتھ مل کر 6 ہزار خواتین کے ساتھ راجستھان کے ایک روایتی لوک رقص گھومر پر پفارم کیا، جس کے بعد انہوں نے ایک ساتھ روایتی رقص کرنے والوں کی زیادہ سے زیادہ تعداد کا ریکارڈ بنایا۔
انسٹاگرام پر وائرل ہونے والی تصاویر اور ویڈیوز میں نشرت اور انود کو گھومر پرفارمنس کے لیے روایتی لباس میں ملبوس خواتین کے ساتھ رقص کرتے ہوئے دیکھا گیا۔
اس کے علاوہ اداکار انود نے اپنے انسٹاگرام اکاؤنٹ پر ایونٹ کی ویڈیوز اور تصاویر بھی شیئر کیں۔
واضح رہے کہ فلم جنہت میں جاری 10 جون کو سنیما گھروں میں ریلیز کی جائے گی۔
مزید خبریں :
پاکستانی گلوکار مجھ سے جلتے ہیں:چاہت فتح علی خان
9 گھنٹے پہلے
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
